آنکھ میں تیری شکل ہے دل میں ترا جمال ہے

آنکھ میں تیری شکل ہے دل میں ترا جمال ہے

کس کو یہ فرصت خیال ہجر ہے یا وصال ہے

اس کی شکستگی نہ دیکھ اس کے فروغ پر نہ جا

عشق تو حسن ہی کا ایک پرتو لا یزال ہے

تیری نظر کی بجلیاں کوند گئیں کہاں کہاں

فرش سے عرش تک تمام روشنیٔ جمال ہے

پہلے تھا اضطراب دل روح روان عاشقی

راہ فنا میں اب یہی مانع اتصال ہے

اب نہ وہ فکر نامہ بر اور نہ وہ اضطراب دل

اپنا جواب آپ ہی اب مرا ہر سوال ہے

ankh mein teri shakl hai dil mein tira jamal hai

kis ko ye fursat-e-khayal-e-hijr hai ya wisal hai

us ki shikastagi na dekh us ke farogh par na ja

ishq to husn hi ka ek partau la yazal hai

teri nazar ki bijliyan kaund gain kahan kahan

farsh se arsh tak tamam raushni-e-jamal hai

pahle tha iztirab-e-dil ruh-e-rawan-e-ashiqi

rah-e-fana mein ab yahi mane-e-ittisal hai

ab na wo fikr nama bar aur na wo iztirab-e-dil

apna jawab ap hi ab mira har sawal hai