جب ہستیٔ کونین ترے غم میں مٹا دی

جب ہستیٔ کونین ترے غم میں مٹا دی

ہر پردۂ ہستی سے مجھے تو نے صدا دی

روداد مرے غم کی انہیں کس نے سنا دی

بھڑکی تھی ادھر آگ ادھر کس نے لگا دی

انجام غم عشق جو پوچھا تو صبا نے

کچھ خاک پتنگوں کی سر بزم اڑا دی

ہر شیخ و برہمن کو رہ عشق دکھا کر

وحشی نے حد کعبہ و بت خانہ مٹا دی

jab hasti-e-kaunain tire gham mein mita di

har parda-e-hasti se mujhe tu ne sada di

rudad mire gham ki unhen kis ne suna di

bharki thi idhar ag idhar kis ne laga di

anjam-e-gham ishq jo puchha to saba ne

kuchh khak patangon ki sar-e-bazm ura di

har shaikh-o-barahman ko rah-e-ishq dikha kar

wahshi ne had-e-kaaba-o-but khana mita di