وہ ترا شہر ترے شہر کا ہر رنگ جدا یاد آیا

وہ ترا شہر ترے شہر کا ہر رنگ جدا یاد آیا

آنکھ بند ہوتے ہی اک منظر تمثیل نما یاد آیا

بے نیازانہ وہ دل داریٔ جاں پرسش غم کی کوشش

آنکھ بھر آئی ہے جب جب ترا انداز وفا یاد آیا

جب دل زار ہر اک چیز سے تھک ہار کے اکتا سا گیا

ایک اک پل جو ترے ساتھ گزارا تھا بڑا یاد آیا

صبح دم صحن وطن نغمۂ مرغان چمن سے معمور

ایسی پر شور سی تنہائی میں تو حد سے سوا یاد آیا

رنگ کی قوس قزح جب کبھی بادل کی جبیں پر ابھری

وہ مرا شعلہ سخن دلبر رنگین قبا یاد آیا

wo tira shahr tire shahr ka har rang juda yad aya

ankh band hote hi ik manzar tamsil numa yad aya

be niyazana wo dil dari-e-jan pursish-e-gham ki koshish

ankh bhar ai hai jab jab tira andaz-e-wafa yad aya

jab dil-e-zar har ik chiz se thak har ke ukta sa gaya

ek ik pal jo tire sath guzara tha bara yad aya

subh dam sehn-e-watan naghma-e-murghan-e-chaman se maamur

aisi pur shor si tanhai mein to had se siwa yad aya

rang ki qaus-e-quzah jab kabhi badal ki jabin par ubhri

wo mira shola sukhan dilbar rangin qaba yad aya