زمیں سے آسماں تک آسماں سے لا مکاں تک ہے

زمیں سے آسماں تک آسماں سے لا مکاں تک ہے

ذرا پرواز مشت خاک تو دیکھو کہاں تک ہے

تلاش و جستجو کی حد فقط نام و نشاں تک ہے

سراغ کارواں بھی بس غبار کارواں تک ہے

جبین شوق کو کچھ اور بھی اذن سعادت دے

یہ ذوق بندگی محدود سنگ آستاں تک ہے

سراپا آرزو بن کر کمال مدعا ہو جا

وہ ننگ عشق ہے جو آرزو آہ و فغاں تک ہے

بڑھائے جا قدم راہ طلب میں شوق سے وحشیؔ

کہ حد سعی لا حاصل فقط کون و مکاں تک ہے

zamin se asman tak asman se la makan tak hai

zara parwaz musht-e-khak to dekho kahan tak hai

talash-o-justuju ki had faqat nam-o-nishan tak hai

suragh-e-karwan bhi bas ghubar-e-karwan tak hai

jabin-e-shauq ko kuchh aur bhi izn-e-saadat de

ye zauq-e-bandagi mahdud sang-e-astan tak hai

sarapa arzu ban kar kamal-e-muddaa ho ja

wo nang-e-ishq hai jo arzu ah-o-fughan tak hai

barhae ja qadam rah-e-talab mein shauq se wahshi

ke had-e-sai la hasil faqat kaun-o-makan tak hai