حجاب ظاہر و باطن بھی درمیاں میں نہیں

حجاب ظاہر و باطن بھی درمیاں میں نہیں

اب امتیاز کوئی میرے جسم و جاں میں نہیں

بھری بہار میں اب کے یہ ماجرا کیا ہے

کہ جنبش آج کوئی شاخ آشیاں میں نہیں

نظر فریب نہ ہو سحر رنگ و بو تو یہاں

وہ کیا بہار ہے جو پردۂ خزاں میں نہیں

مسافران عدم کا نشاں کہاں ڈھونڈیں

کہیں غبار بھی اس راہ کارواں میں نہیں

نظر سے وحشیٔؔ خستہ کے دیکھیے تو یہاں

سوائے دشت کے کچھ اور گلستاں میں نہیں

hijab zahir-o-batin bhi darmiyan mein nahin

ab imtiyaz koi mere jism-o-jan mein nahin

bhari bahar mein ab ke ye majra kya hai

ke jumbish aj koi shakh-e-ashiyan mein nahin

nazar fareb na ho sehr rang-o-bu to yahan

wo kya bahar hai jo parda-e-khizan mein nahin

musafiran-e-adam ka nishan kahan dhunden

kahin ghubar bhi is rah-e-karwan mein nahin

nazar se wahash khasta ke dekhiye to yahan

siwae dasht ke kuchh aur gulsitan mein nahin