زندگی کے ہر نفس کو جان جاں سمجھا تھا میں

زندگی کے ہر نفس کو جان جاں سمجھا تھا میں

چند لمحوں کو حیات جاوداں سمجھا تھا میں

چھوٹ کر اب قید رنگ و بو سے یہ ثابت ہوا

وہ قفس تھا جس کو اپنا آشیاں سمجھا تھا میں

میرا ہی افسانہ مضمر نالۂ بلبل میں تھا

جس کو غفلت سے حدیث دیگراں سمجھا تھا میں

رنگ رخ بیتابیٔ دل آہ سرد و اشک گرم

سب تھے یہ غماز جن کو راز داں سمجھا تھا میں

کیا ہوا اشک مسلسل سرد آہیں کیا ہوئیں

عشق کو تو کارواں در کارواں سمجھا تھا میں

zindagi ke har nafas ko jan-e-jan samjha tha main

chand lamhon ko hayat-e-jawedan samjha tha main

chhut kar ab qaid rang-o-bu se ye sabit hua

wo qafas tha jis ko apna ashiyan samjha tha main

mera hi afsana muzmar nala-e-bulbul mein tha

jis ko ghaflat se hadis-e-digaran samjha tha main

rang-e-rukh betabi-e-dil ah-e-sard-o-ashk-e-garm

sab the ye ghammaz jin ko raz dan samjha tha main

kya hua ashk-e-musalsal sard ahen kya huin

ishq ko to karwan dar karwan samjha tha main