امن و اماں کی خاطر کھائی تھیں ہم نے قسمیں

امن و اماں کی خاطر کھائی تھیں ہم نے قسمیں

لیکن رہا نہیں ہے یہ کام اپنے بس میں

حالات حاضرہ نے کی ایسی رہنمائی

گلشن کو ڈھونڈتے تھے ہم آ گئے قفس میں

قدرت کے چاہنے سے ہوگا علاج اس کا

اب غم نہیں ہے میرا دنیا کی دسترس میں

دیر و حرم سے میرا بس واسطہ ہے اتنا

یہ بھی ہے میرے بس میں وہ بھی ہے میرے بس میں

بسملؔ مرے عزائم دنیا سے ہیں نرالے

ہنس کر میں جی رہا ہوں رہ کر بھی خار و خس میں

amn-o-aman ki khatir khai thin ham ne qasmen

lekin raha nahin hai ye kam apne bas mein

halat hazra ne ki aisi rahnumai

gulshan ko dhundte the ham a gae qafas mein

qudrat ke chahne se hoga ilaj us ka

ab gham nahin hai mera duniya ki dastaras mein

dair-o-haram se mera bas wasta hai itna

ye bhi hai mere bas mein wo bhi hai mere bas mein

bismil mire azaim duniya se hain nirale

hans kar main ji raha hun rah kar bhi khar-o-khas mein