تصور میں ہمارے بھی کسی کا حسن پلتا ہے

تصور میں ہمارے بھی کسی کا حسن پلتا ہے

تغزل کا چراغ اس واسطے آنکھوں میں جلتا ہے

ہمارے دل میں اٹھتی ہیں ہوائیں درد کی جس دم

ہمارے دل میں تخلیقات کا طوفاں مچلتا ہے

زمانہ ہے نہ جانے کب یہ رخ اپنا بدل ڈالے

ہوا پر اختیار آخر کہاں انساں کا چلتا ہے

فصیلوں میں مقید ہے ہماری زندگی لیکن

پرندے کی طرح پرواز کو یہ دل مچلتا ہے

میں ٹکراتا ہوں طوفاں سے اسی ایمان پر بسملؔ

مرے ہر عزم راسخ سے ہوا کا رخ بدلتا ہے

tasawwur mein hamare bhi kisi ka husn palta hai

taghazzul ka charagh is waste ankhon mein jalta hai

hamare dil mein uthti hain hawaen dard ki jis dam

hamare dil mein takhliqat ka tufan machalta hai

zamana hai na jane kab ye rukh apna badal dale

hawa par ikhtiyar akhir kahan insan ka chalta hai

fasilon mein muqayyad hai hamari zindagi lekin

parinde ki tarah parwaz ko ye dil machalta hai

main takrata hun tufan se isi iman par bismil

mire har azm-e-rasikh se hawa ka rukh badalta hai