تیری چاہت میں مر کے دیکھوں گا

تیری چاہت میں مر کے دیکھوں گا

کام یہ بھی میں کر کے دیکھوں گا

چھین سکتا ہے کون مجھ سے تجھے

جاں ہتھیلی پہ دھر کے دیکھوں گا

غیر ممکن ہے چاند کو لانا

پھر بھی کوشش میں کر کے دیکھوں گا

تیری آنکھوں میں خود کو پاؤں گا

رخ پہ تیرے سنور کے دیکھوں گا

رکھ کے آنکھوں میں ہجر کو تیرے

پھر تصور میں ڈر کے دیکھوں گا

بن کے طاہرؔ میں پیار کی خوشبو

گرد تیرے بکھر کے دیکھوں گا

teri chahat mein mar ke dekhunga

kam ye bhi main kar ke dekhunga

chhin sakta hai kaun mujh se tujhe

jan hatheli pe dhar ke dekhunga

ghair mumkin hai chand ko lana

phir bhi koshish mein kar ke dekhunga

teri ankhon mein khud ko paunga

rukh pe tere sanwar ke dekhunga

rakh ke ankhon mein hijr ko tere

phir tasawwur mein dar ke dekhunga

ban ke tahir mein pyar ki khushbu

gard tere bikhar ke dekhunga