وہ درد وہ وفا وہ محبت تمام شد

وہ درد وہ وفا وہ محبت تمام شد

لے دل میں تیرے قرب کی حسرت تمام شد

یہ بعد میں کھلے گا کہ کس کس کا خوں ہوا

ہر اک بیان ختم عدالت تمام شد

تو اب تو دشمنی کے بھی قابل نہیں رہا

اٹھتی تھی جو کبھی وہ عدالت تمام شد

اب ربط اک نیا مجھے آوارگی سے ہے

پابندیٔ خیال کی عادت تمام شد

جائز تھی یا نہیں تھی ترے حق میں تھی مگر

کرتا تھا جو کبھی وہ وکالت تمام شد

وہ روز روز مرنے کا قصہ ہوا تمام

وہ روز دل کو چیرتی وحشت تمام شد

وہ میرے قرب میں ہے بہت بے سکون سا

اس کے سکون کو ہے قرابت تمام شد

اب آ کہ اپنا اپنا اثاثہ سمیٹ لیں

اب ہم پہ وقت کی ہے سخاوت تمام شد

طاہرؔ میں کنج زیست میں چپ چاپ ہوں پڑا

مجنوں سی وہ خجالت و حالت تمام شد

wo dard wo wafa wo mohabbat tamam shud

le dil mein tere qurb ki hasrat tamam shud

ye baad mein khulega ke kis kis ka khun hua

har ik bayan khatm adalat tamam shud

to ab to dushmani ke bhi qabil nahin raha

uthti thi jo kabhi wo adalat tamam shud

ab rabt ik naya mujhe awargi se hai

pabandi-e-khayal ki adat tamam shud

jaiz thi ya nahin thi tire haq mein thi magar

karta tha jo kabhi wo wakalat tamam shud

wo roz roz marne ka qissa hua tamam

wo roz-e-dil ko chirti wahshat tamam shud

wo mere qurb mein hai bahut be sukun sa

us ke sukun ko hai qarabat tamam shud

ab a ke apna apna asasa samet len

ab ham pe waqt ki hai sakhawat tamam shud

tahir mein kunj-e-zist mein chup chap hun para

majnun si wo khijalat-o-halat tamam shud