آنکھوں میں ہے کیسا پانی بند ہے کیوں آواز

آنکھوں میں ہے کیسا پانی بند ہے کیوں آواز

اپنے دل سے پوچھو جاناں میری چپ کا راز

اس کے زخم کو سہنا رہنا اس میں ہی محصور

اس کے ظلم پہ ہنس کر کہنا تیری عمر دراز

تیری مرضی خوشیوں کے یا چھیڑ غموں کے راگ

تو میری سر تال کا مالک میں ہوں تیرا ساز

دل کی ہر دھڑکن کا موجب دید شنید تری

سینے میں جلتی سانسوں کا تو ہی ایک جواز

اور سی اور ہوا ہے ساجن زیست کا ہر مفہوم

اور سی اور ہوئی ہے میری سوچوں کی پرواز

تجھ بن کون بنے گا خالی آنکھیں گنگ صدا

تجھ بن جان کرے گا طاہرؔ کس سے راز نیاز

ankhon mein hai kaisa pani band hai kyun awaz

apne dil se puchho janan meri chup ka raz

us ke zakhm ko sahna rahna is mein hi mahsur

us ke zulm pe hans kar kahna teri umr-e-daraz

teri marzi khushiyon ke ya chher ghamon ke rag

tu meri sar tal ka malik mein hun tera saz

dil ki har dharkan ka mujib did shanid tiri

sine mein jalti sanson ka tu hi ek jawaz

aur si aur hua hai sajan zist ka har mafhum

aur si aur hui hai meri sochon ki parwaz

tujh bin kaun banega khali ankhen gang sada

tujh bin jan karega tahir kis se raz-e-niyaz