کھویا کھویا اداس سا ہوگا

کھویا کھویا اداس سا ہوگا

تم سے وہ شخص جب ملا ہوگا

قرب کا ذکر جب چلا ہوگا

درمیاں کوئی فاصلہ ہوگا

روح سے روح ہو چکی بد ظن

جسم سے جسم کب جدا ہوگا

پھر بلایا ہے اس نے خط لکھ کر

سامنے کوئی مسئلہ ہوگا

ہر حماقت پہ سوچتے تھے ہم

عقل کا اور مرحلہ ہوگا

گھر میں سب لوگ سو رہے ہوں گے

پھول آنگن میں جل چکا ہوگا

کل کی باتیں کرو گے جب لوگو

خوف سا دل میں رونما ہوگا

khoya khoya udas sa hoga

tum se wo shakhs jab mila hoga

qurb ka zikr jab chala hoga

darmiyan koi fasla hoga

ruh se ruh ho chuki bad zan

jism se jism kab juda hoga

phir bulaya hai us ne khat likh kar

samne koi masala hoga

har himaqat pe sochte the ham

aql ka aur marhala hoga

ghar mein sab log so rahe honge

phul angan mein jal chuka hoga

kal ki baten karoge jab logo

khauf sa dil mein runuma hoga