ہر ایک رستۂ پایاب سے نکلنا ہے

ہر ایک رستۂ پایاب سے نکلنا ہے

سراب عمر کے ہر باب سے نکلنا ہے

سر عناصر کمیاب سے نکلنا ہے

شمار نادر و نایاب سے نکلنا ہے

طویل تر سے کسی خواب میں اترنے کو

ہر ایک شخص کو اس خواب سے نکلنا ہے

لہو لہو سر مژگاں طلوع ہونا ہے

کنار خطۂ پر آب سے نکلنا ہے

اسے بھی پردۂ تہذیب کو گرانا ہے

مجھے بھی پیکر نایاب سے نکلنا ہے

سکون لمحۂ بھاری نے ہی اگلنا ہے

تو چین عرصۂ بے تاب سے نکلنا ہے

نہیں ہے رہنا اسے بھی بہار میں طاہرؔ

مجھے بھی موسم شاداب سے نکلنا ہے

har ek rasta-e-payab se nikalna hai

sarab umr ke har bab se nikalna hai

sar-e-anasir kamyab se nikalna hai

shumar nadir-o-nayab se nikalna hai

tawil tar se kisi khwab mein utarne ko

har ek shakhs ko is khwab se nikalna hai

lahu lahu sar-e-mizhgan tulu hona hai

kanar-e-khitta-e-pur ab se nikalna hai

use bhi parda-e-tahzib ko girana hai

mujhe bhi paikar-e-nayab se nikalna hai

sukun-e-lamha-e-bhari ne hi ugalna hai

tu chain-e-arsa-e-be tab se nikalna hai

nahin hai rahna use bhi bahar mein tahir

mujhe bhi mausam shadab se nikalna hai