Arooz is now on the App Store, for iPhone and iPad. Download →

All poetry

اک پل جیتا ہے تو طاہرؔ اک پل مرتا رہتا ہے

Tahir Adeem (b. 1973)

اک پل جیتا ہے تو طاہرؔ اک پل مرتا رہتا ہے

میرا دل سینے کے اندر ماتم کرتا رہتا ہے

اس کی ضد اور دل کی خواہش کے مابین نہ جانے کیوں

ریزہ ریزہ سوچوں کا دیوان بکھرتا رہتا ہے

بعض اوقات میں یوں بھی اس کو رونے پر اکساتا ہوں

رو کر اس کا سندر چہرہ اور سنورتا رہتا ہے

جان تو مجھ کو پہلے سے بھی زیادہ اب یاد آیا کر

تیرے یاد آنے سے میرا درد سنورتا رہتا ہے

جب تک تیری بھیگی پلکیں اشک لٹاتی رہتی ہیں

میرے سر سے اندیشوں کا سیل گزرتا رہتا ہے