مجھے وہ چھوڑ کر جب سے گیا ہے انتہا ہے

مجھے وہ چھوڑ کر جب سے گیا ہے انتہا ہے

رگ و پے میں فضائے کربلا ہے انتہا ہے

مرے حالات ہیں ناراض اس پہ کیا کروں میں

گریزاں آسمانوں سے دعا ہے انتہا ہے

غم و آلام ہیں یا حسرتیں ہیں زندگی میں

تمہارے بعد باقی کیا بچا ہے انتہا ہے

فقط تم ہی نہیں ناراض مجھ سے جان جاناں

مرے اندر کا انساں تک خفا ہے انتہا ہے

کہیں منظر اسالیب ہوس کے چار سو ہیں

کہیں پہ خون آلودہ فضا ہے انتہا ہے

خموشی توڑ دے اے خالق ارض و سما اب

تری مخلوق بن بیٹھی خدا ہے انتہا ہے

وہی تو زینت بام بقا ہے انتہا ہے

mujhe wo chhor kar jab se gaya hai intiha hai

rag-o-pe mein faza-e-karbala hai intiha hai

mire halat hain naraz us pe kya karun main

gurezan asmanon se dua hai intiha hai

gham-o-alam hain ya hasraten hain zindagi mein

tumhare baad baqi kya bacha hai intiha hai

faqat tum hi nahin naraz mujh se jan-e-janan

mire andar ka insan tak khafa hai intiha hai

kahin manzar asalib-e-hawas ke char su hain

kahin pe khun aluda faza hai intiha hai

khamoshi tor de ai khaliq-e-arz-o-sama ab

tiri makhluq ban baithi khuda hai intiha hai

wahi to zinat-e-bam-e-baqa hai intiha hai