بارشوں میں غسل کرتے سبز پیڑ

بارشوں میں غسل کرتے سبز پیڑ

دھوپ میں بنتے سنورتے سبز پیڑ

کس قدر تشہیر غم سے دور تھا

چپکے چپکے آہ بھرتے سبز پیڑ

دور تک روتی ہوئی خاموشیاں

رات کے منظر سے ڈرتے سبز پیڑ

دشت میں وہ راہرو کا خواب تھے

گھر میں کیسے پاؤں دھرتے سبز پیڑ

دوستوں کی سلطنت میں دور تک

دشمنوں کے ڈھور چرتے سبز پیڑ

کر گئے بے مہر موسم کے سپرد

رفتہ رفتہ آج مرتے سبز پیڑ

barishon mein ghusl karte sabz per

dhup mein bante sanwarte sabz per

kis qadar tashhir gham se dur tha

chupke chupke ah bharte sabz per

dur tak roti hui khamoshiyan

rat ke manzar se darte sabz per

dasht mein wo rahrau ka khwab the

ghar mein kaise paon dharte sabz per

doston ki saltanat mein dur tak

dushmanon ke dhor charte sabz per

kar gae be mehr mausam ke supurd

rafta rafta aj marte sabz per