خود اپنے خون میں پہلے نہایا جاتا ہے

خود اپنے خون میں پہلے نہایا جاتا ہے

وقار خود نہیں بنتا بنایا جاتا ہے

کبھی کبھی جو پرندے بھی ان سنا کر دیں

تو حال دل کا شجر کو سنایا جاتا ہے

ہماری پیاس کو زنجیر باندھی جاتی ہے

تمہارے واسطے دریا بہایا جاتا ہے

نوازتا ہے وہ جب بھی عزیزوں کو اپنے

تو سب سے بعد میں ہم کو بلایا جاتا ہے

ہمیں تلاش کے دیتے ہیں راستہ سب کو

ہمیں کو بعد میں راستہ دکھایا جاتا ہے

khud apne khun mein pahle nahaya jata hai

waqar khud nahin banta banaya jata hai

kabhi kabhi jo parinde bhi an suna kar den

tu hal-e-dil ka shajar ko sunaya jata hai

hamari pyas ko zanjir bandhi jati hai

tumhare waste dariya bahaya jata hai

nawazta hai wo jab bhi azizon ko apne

to sab se baad mein ham ko bulaya jata hai

hamen talash ke dete hain rasta sab ko

hamen ko baad mein rasta dikhaya jata hai