ہوا شعور تو خود آگہی کے پر نکلے

ہوا شعور تو خود آگہی کے پر نکلے

فصیل ذات میں خوش فہمیوں کے در نکلے

میں اپنے قتل کا الزام کس کے سر رکھتا

جب اپنے ہاتھ ہی اپنے لہو میں تر نکلے

تری تلاش میں اکثر سفیر یادوں کے

ردائے خواب سر شام اوڑھ کر نکلے

ہوئیں دراز جو مہر سحر کی شمشیریں

تمام جسموں کے سائے بریدہ سر نکلے

جنہیں تلاش تھی شاداب و سبز موسم کی

انہیں کی راہ میں سوکھے ہوئے شجر نکلے

hawa shuur to khud agahi ke par nikle

fasil-e-zat mein khush fahmiyon ke dar nikle

main apne qatl ka ilzam kis ke sar rakhta

jab apne hath hi apne lahu mein tar nikle

tiri talash mein aksar safir yadon ke

rida-e-khwab sar-e-sham orh kar nikle

huin daraz jo mehr-e-sahar ki shamshiren

tamam jismon ke sae burida sar nikle

jinhen talash thi shadab-o-sabz mausam ki

unhen ki rah mein sukhe hue shajar nikle