تیری نگاہ ناز سے چھوٹے ہوئے درخت

تیری نگاہ ناز سے چھوٹے ہوئے درخت

مر جائیں کیا کریں بتا سوکھے ہوئے درخت

اک دوسرے کی جان کے پیاسے ہوئے ہیں اب

اک دوسرے کی چھاؤں سے جلتے ہوئے درخت

بیساکھیاں بناؤں گا تختی بھی ناؤ بھی

ضائع نہ جانے دوں گا میں ٹوٹے ہوئے درخت

حیرت ہے پیڑ نیم کے دینے لگے ہیں آم

پگلا گئے ہیں آپ کے چومے ہوئے درخت

اب دھوپ کے نگر میں بڑے کام کے ہیں وہ

بے کار کہہ کے گھر سے نکالے ہوئے درخت

راہی سے بات کرتے ہیں انسان کی طرح

کتنے ذہین ہیں ترے بوئے ہوئے درخت

teri nigah-e-naz se chhote hue darakht

mar jaen kya karen bata sukhe hue darakht

ik dusre ki jan ke pyase hue hain ab

ik dusre ki chhaon se jalte hue darakht

besakhiyan banaunga takhti bhi nao bhi

zae na jane dunga mein tute hue darakht

hairat hai per nim ke dene lage hain am

pigla gae hain ap ke chume hue darakht

ab dhup ke nagar mein bare kam ke hain wo

be kar kah ke ghar se nikale hue darakht

rahi se bat karte hain insan ki tarah

kitne zahin hain tire boe hue darakht