دیکھو میرے جیسی حالت ہوتی ہے

دیکھو میرے جیسی حالت ہوتی ہے

سچ کہنے کی جن کو عادت ہوتی ہے

میں صحرا کی ریت ہوں تو ہے دریا کی

سب کی اپنی اپنی قسمت ہوتی ہے

اتنا ہی اس دہر میں جی پاتا ہے کوئی

جس کے اندر جتنی وحشت ہوتی ہے

جس پل تجھ سے دور ہوا کرتا ہوں میں

اس پل تیری سخت ضرورت ہوتی ہے

تیرے جیسے لوگ وہیں سے آتے ہیں

جنت سے آگے جو جنت ہوتی ہے

دیکھیں کتنی بار دکھی ہوتے ہیں ہم

دیکھیں کتنی بار محبت ہوتی ہے

dekho mere jaisi halat hoti hai

sach kahne ki jin ko adat hoti hai

main sahra ki ret hun to hai dariya ki

sab ki apni apni qismat hoti hai

itna hi is dahr mein ji pata hai koi

jis ke andar jitni wahshat hoti hai

jis pal tujh se dur hua karta hun main

is pal teri sakht zarurat hoti hai

tere jaise log wahin se ate hain

jannat se age jo jannat hoti hai

dekhen kitni bar dukhi hote hain ham

dekhen kitni bar mohabbat hoti hai