یوں اپنی پیاس کی خود ہی کہانی لکھ رہے تھے ہم

یوں اپنی پیاس کی خود ہی کہانی لکھ رہے تھے ہم

سلگتی ریت پہ انگلی سے پانی لکھ رہے تھے ہم

میاں بس موت ہی سچ ہے وہاں یہ لکھ گیا کوئی

جہاں پر زندگانی زندگانی لکھ رہے تھے ہم

ملے تجھ سے تو دنیا کو سہانی لکھ دیا ہم نے

وگرنہ کب سے اس کو بے معانی لکھ رہے تھے ہم

ہمیں پہ گر پڑی کل رات وہ دیوار رو رو کر

کہ جس پہ اپنے ماضی کی کہانی لکھ رہے تھے ہم

yun apni pyas ki khud hi kahani likh rahe the ham

sulagti ret pe ungli se pani likh rahe the ham

miyan bas maut hi sach hai wahan ye likh gaya koi

jahan par zindagani zindagani likh rahe the ham

mile tujh se to duniya ko suhani likh diya ham ne

wagarna kab se us ko be maani likh rahe the ham

hamen pe gir pari kal rat wo diwar ro ro kar

ke jis pe apne mazi ki kahani likh rahe the ham