اسی لئے تو مسافر تو سوگوار نہیں

اسی لئے تو مسافر تو سوگوار نہیں

کہ تو نے قافلے دیکھیں ہیں پر غبار نہیں

نہیں یہ بات نہیں ہے کی تجھ سے پیار نہیں

میں کیا کروں کہ مجھے خود پہ اعتبار نہیں

لگا ہوں ہاتھ جو تیرے تو اب سنبھال مجھے

میں ایک بار ہی ملتا ہوں بار بار نہیں

مجھے کریدنے والو میں ایک صحرا ہوں

کہ مجھ سے ریت ہی نکلے گی آبشار نہیں

غموں سے رشتہ بنا دوستی نبھا ان سے

دکھوں کو پال مری جان ان کو مار نہیں

مرے قبول پہ اس نے قبول کہہ تو دیا

پر ایک بار کہا اس نے تین بار نہیں

جہاں تو بچھڑا وہاں گیت بج رہا تھا یہی

مرے نصیب میں اے دوست تیرا پیار نہیں

isi liye to musafir to sogwar nahin

ke tu ne qafile dekhen hain par ghubar nahin

nahin ye bat nahin hai ki tujh se pyar nahin

main kya karun ke mujhe khud pe etibar nahin

laga hun hath jo tere to ab sambhal mujhe

main ek bar hi milta hun bar bar nahin

mujhe kuredne walo mein ek sahra hun

ke mujh se ret hi niklegi abshar nahin

ghamon se rishta bana dosti nibha un se

dukhon ko pal miri jan un ko mar nahin

mire qubul pe us ne qubul kah to diya

par ek bar kaha us ne tin bar nahin

jahan to bichhra wahan git baj raha tha yahi

mire nasib mein ai dost tera pyar nahin