کہیں نہ ایسا ہو اپنا وقار کھا جائے

کہیں نہ ایسا ہو اپنا وقار کھا جائے

خزاں سے پھول بچائیں بہار کھا جائے

ہمارے جیسا کہاں دل کسی کا ہوگا بھلا

جو درد پالے رکھے اور قرار کھا جائے

پلٹ کے سنگ تری اور پھینک سکتا ہوں

کہ میں وہ قیس نہیں ہاں جو مار کھا جائے

اسی کا داخلہ اس دشت میں کرو اب سے

جو صبر پی سکے اپنا غبار کھا جائے

بہت قرار ہے تھوڑی سی بے قراری دے

کہیں نہ ایسا ہو مجھ کو قرار کھا جائے

عجب سفینہ ہے یہ وقت کا سفینہ بھی

جو اپنی گود میں بیٹھا سوار کھا جائے

kahin na aisa ho apna waqar kha jae

khizan se phul bachaen bahar kha jae

hamare jaisa kahan dil kisi ka hoga bhala

jo dard pale rakhe aur qarar kha jae

palat ke sang tiri aur phenk sakta hun

ke main wo qais nahin han jo mar kha jae

usi ka dakhila is dasht mein karo ab se

jo sabr pi sake apna ghubar kha jae

bahut qarar hai thori si be qarari de

kahin na aisa ho mujh ko qarar kha jae

ajab safina hai ye waqt ka safina bhi

jo apni god mein baitha sawar kha jae