دنیا میں جو میٹھے دریا ہوتے ہیں

دنیا میں جو میٹھے دریا ہوتے ہیں

وہ سب اس کے جوٹھے دریا ہوتے ہیں

باہر سے جو بہتے دریا ہوتے ہیں

اندر سے وہ پیاسے دریا ہوتے ہیں

رونے والے تجھ کو اتنا علم بھی ہے

اک آنسو میں کتنے دریا ہوتے ہیں

بارش کی بوندوں نے ہم کو سمجھایا

کچھ قطروں میں کیسے دریا ہوتے ہیں

اپنی آنکھیں دھوتا ہے وہ دریا میں

اب سمجھا کیوں نیلے دریا ہوتے ہیں

اس گاؤں سے پوچھو قطرے کی قیمت

جس گاؤں میں سوکھے دریا ہوتے ہیں

اس کی آنکھ سے نکلے آنسو ہیں وہ سب

رستے سے جو بھٹکے دریا ہوتے ہیں

duniya mein jo mithe dariya hote hain

wo sab us ke jothe dariya hote hain

bahar se jo bahte dariya hote hain

andar se wo pyase dariya hote hain

rone wale tujh ko itna alam bhi hai

ik ansu mein kitne dariya hote hain

barish ki bundon ne ham ko samjhaya

kuchh qatron mein kaise dariya hote hain

apni ankhen dhota hai wo dariya mein

ab samjha kyun nile dariya hote hain

is gaon se puchho qatre ki qimat

jis gaon mein sukhe dariya hote hain

us ki ankh se nikle ansu hain wo sab

raste se jo bhatke dariya hote hain