عاشق ہوئے تو عشق میں ہشیار کیوں نہ تھے

عاشق ہوئے تو عشق میں ہشیار کیوں نہ تھے

ہم ان کے مدح خواں سر بازار کیوں نہ تھے

ہاں جب ستم کو عین کرم کہہ رہے تھے لوگ

ہم بھی شریک گرمی گفتار کیوں نہ تھے

جب چل رہا تھا وقت پہ جادو نگاہ کا

اک ہم اسیر چشم فسوں کار کیوں نہ تھے

اب کیا شہید ناز بنے پھر رہے ہیں لوگ

مرنے کا شوق تھا تو سردار کیوں نہ تھے

وارثؔ یہ شاعری سم قاتل سے کم نہیں

آپ اس بلائے جاں سے خبردار کیوں نہ تھے

ashiq hue to ishq mein hushyar kyun na the

ham un ke madh khwan sar-e-bazar kyun na the

han jab sitam ko ain-e-karam kah rahe the log

ham bhi sharik-e-garmi-e-guftar kyun na the

jab chal raha tha waqt pe jadu nigah ka

ik ham asir chashm-e-fusun kar kyun na the

ab kya shahid-e-naz bane phir rahe hain log

marne ka shauq tha to sardar kyun na the

waris ye shayari sam-e-qatil se kam nahin

ap is bulae jan se khabardar kyun na the