اجڑ کے گھر سے سر راہ آ کے بیٹھے ہیں

اجڑ کے گھر سے سر راہ آ کے بیٹھے ہیں

ہم اپنی ضد میں سبھی کچھ گنوا کے بیٹھے ہیں

کہاں تک اپنی ہی پرچھائیوں سے بھاگیں گے

یہ لوگ جو تری محفل میں آ کے بیٹھے ہیں

اب آہ و زاریٔ غم خوار کا فریب کھلا

یہ مہرباں بھی وہیں دل لگا کے بیٹھے ہیں

عذاب حشر کا کیا ذکر ہم سے اے واعظ

ہم اس بلا کو یہیں آزما کے بیٹھے ہیں

ujar ke ghar se sar-e-rah a ke baithe hain

ham apni zid mein sabhi kuchh ganwa ke baithe hain

kahan tak apni hi parchhaiyon se bhagenge

ye log jo tiri mahfil mein a ke baithe hain

ab ah-o-zari-e-gham khwar ka fareb khula

ye mehrban bhi wahin dil laga ke baithe hain

azab hashr ka kya zikr ham se ai waiz

ham is bala ko yahin azma ke baithe hain