تمام شہر میں ہے عام کاروبار ہوس

تمام شہر میں ہے عام کاروبار ہوس

کہ چہرے چہرے پہ چسپاں ہے اشتہار ہوس

ابھی رگوں میں ہے تلخیٔ اعتبار ہوس

بدن میں ٹوٹ رہا ہے ابھی خمار ہوس

جو چل پڑے ہو تو انجام گمرہی سے ڈرو

سپرد خاک نہ کر دے یہ رہ گزار ہوس

ہوا ہے گرم نہ کمرے کی کھڑکیاں کھولو

نہ جانے شہر میں ٹھہرے کہاں غبار ہوس

فرار خواہش ہستی سے جب نہیں ممکن

نفس کی قید کہیں یا اسے حصار ہوس

tamam shahr mein hai am karobar-e-hawas

ke chehre chehre pe chaspan hai ishtihar-e-hawas

abhi ragon mein hai talkhi-e-etibar-e-hawas

badan mein tut raha hai abhi khumar-e-hawas

jo chal pare ho to anjam gumrahi se daro

supurd-e-khak na kar de ye rah guzar-e-hawas

hua hai garm na kamre ki khirkiyan kholo

na jane shahr mein thahre kahan ghubar-e-hawas

farar khwahish hasti se jab nahin mumkin

nafas ki qaid kahin ya use hisar-e-hawas