جمال نسترنی رنگ و بوئے یاسمنی

جمال نسترنی رنگ و بوئے یاسمنی

گلوں نے سیکھ لیا تم سے ذوق پیرہنی

زمانہ ساز نہ ہو گر بتوں کی سیم تنی

تو عزم بت شکنی بھی ہے عین برہمنی

سواد کوہ و بیاباں میں شام بے وطنی

ہمیں لبھا کے کہاں لائے آہوئے ختنی

ہزار رنگ میں پنہاں ہے آرزوئے حیات

دعائے نیم شبی تا جنون کوہ کنی

بنام دولت حسن و جمال بے پایاں

سمجھ کے کیجیئے اہل طلب کی دل شکنی

مجال آہ نہ تھی دل کو بزم جاناں میں

یہ احتیاط بھی تھی مقتضائے‌ گلبدنی

وہ رنج راہ تمنا میں یاد یار عزیز

وہ دور بجتے ہوئے سے رباب انجمنی

jamal nistarni rang-o-bu-e-yasmani

gulon ne sikh liya tum se zauq-e-pairahani

zamana saz na ho gar buton ki sim tani

tu azm-e-but shikani bhi hai ain barahmani

sawad-e-koh-o-bayaban mein sham-e-be watani

hamen lubha ke kahan lae ahu-e-khutani

hazar rang mein pinhan hai arzu-e-hayat

dua-e-nim shbai-e-ta junun-e-koh-e-kini

banam-e-daulat-e-husn-o-jamal-e-be payan

samajh ke kijie ahl-e-talab ki dil shikani

majal ah na thi dil ko bazm-e-janan mein

ye ehtiyat bhi thi muqtaza-e-gulbadni

wo ranj-e-rah-e-tamanna mein yad-e-yar-e-aziz

wo dur bajte hue se rabab anjumani