مسکرائیں مسکرائیں مسکرائیں میرے ساتھ

مسکرائیں مسکرائیں مسکرائیں میرے ساتھ

آپ دنیا کو یہ آئینہ دکھائیں میرے ساتھ

لاکھ تنہا ہوں مگر احساس تنہائی نہیں

رات دن ہیں جانی پہچانی صدائیں میرے ساتھ

جن کو رشک آتا ہے میری جرأت پرواز پر

بازوئے ہمت میں وہ بھی پر لگائیں میرے ساتھ

جن دعاؤں سے میں پہنچا تھا حریم ناز تک

کیا کہوں در پر وہ تھیں کس کی دعائیں میرے ساتھ

مضطرب ہیں منتظر ہیں کس قدر بے چین ہیں

یہ ہوائیں یہ گھٹائیں یہ فضائیں میرے ساتھ

ہر نوائے محفل ہستی بنے فردوس گوش

وہ اگر میری ہی لے میں گنگنائیں میرے ساتھ

میں تو اب راہ وفا میں ہو چکا ہوں گامزن

آپ کی مرضی ہے آپ آئیں نہ آئیں میرے ساتھ

خلد میں رہتے ہوئے کتنی فراغت تھی عروج

اب یہ دنیا اور دنیا کی بلائیں میرے ساتھ

muskuraen muskuraen muskuraen mere sath

ap duniya ko ye aina dikhaen mere sath

lakh tanha hun magar ehsas-e-tanhai nahin

rat din hain jani pahchani sadaen mere sath

jin ko rashk ata hai meri jurat-e-parwaz par

bazu-e-himmat mein wo bhi par lagaen mere sath

jin duaon se main pahuncha tha harim-e-naz tak

kya kahun dar par wo thin kis ki duaen mere sath

muztarib hain muntazir hain kis qadar be chain hain

ye hawaen ye ghataen ye fazaen mere sath

har nawa-e-mahfil-e-hasti bane firdaus-e-gosh

wo agar meri hi le mein gungunaen mere sath

main to ab rah-e-wafa mein ho chuka hun gamzan

ap ki marzi hai ap aen na aen mere sath

khuld mein rahte hue kitni faraghat thi uruj

ab ye duniya aur duniya ki balaen mere sath