اہتمام رنگ و بو سے گلستاں پیدا کریں

اہتمام رنگ و بو سے گلستاں پیدا کریں

آؤ مل جل کر بہار بے خزاں پیدا کریں

کیوں سکوت بے محل سے داستاں پیدا کریں

دیدہ و دانستہ اپنے راز داں پیدا کریں

راس آ سکتا ہے میر کارواں بننے کا خواب

شرط یہ ہے پہلے اپنا کارواں پیدا کریں

کار آرائی تو خود ہے حاصل تکمیل کار

دل میں کیا اندیشۂ سود و زیاں پیدا کریں

اپنا اعجاز تصور دیکھنے کی چیز ہے

ہم جو چاہیں تو مکاں میں لا مکاں پیدا کریں

وقت کو ضد ہی بدل دو رسم عرض مدعا

دل یہ کہتا ہے کہ ہنگامہ کہاں پیدا کریں

آپ کی مرضی کا ہے پابند رنگ گلستاں

آپ چاہیں تو بہار جاوداں پیدا کریں

روح پر حاوی نہ ہو جائے فضائے سوگوار

ہم غم دل سے نشاط جاوداں پیدا کریں

کوشش تعمیر کی تخریب سامانی نہ پوچھ

آشیاں بردار شاخیں بجلیاں پیدا کریں

ہاں سکھا دیں رنگ رخ کو آئنہ داری کا فن

بہر‌ عرض مدعا ہم ترجماں پیدا کریں

پھر بلاتا توں کے یہ تیور کہاں باقی عروجؔ

حال دل کہہ کر جواب درمیاں پیدا کریں

ehtimam-e-rang-o-bu se gulsitan paida karen

ao mil jal kar bahar-e-be khizan paida karen

kyun sukut-e-be mahal se dastan paida karen

dida-o-danista apne raz dan paida karen

ras a sakta hai mir-e-karwan banne ka khwab

shart ye hai pahle apna karwan paida karen

kar arai to khud hai hasil-e-takmil-e-kar

dil mein kya andesha-e-sud-o-ziyan paida karen

apna ejaz-e-tasawwur dekhne ki chiz hai

ham jo chahen to makan mein la makan paida karen

waqt ko zid hi badal do rasm-e-arz-e-muddaa

dil ye kahta hai ke hangama kahan paida karen

ap ki marzi ka hai paband-e-rang-e-gulsitan

ap chahen to bahar-e-jawedan paida karen

ruh par hawi na ho jae faza-e-sogwar

ham gham-e-dil se nishat-e-jawedan paida karen

koshish-e-taamir ki takhrib samani na puchh

ashiyan bardar shakhen bijliyan paida karen

han sikha den rang-e-rukh ko aina dari ka fan

bahr-e-arz-e-muddaa ham tarjuman paida karen

phir bulata tun ke ye tewar kahan baqi uruj

hal-e-dil kah kar jawab-e-darmiyan paida karen