کاش اس بت کو بھی ہم وقف تمنا دیکھیں

کاش اس بت کو بھی ہم وقف تمنا دیکھیں

برف کی سل سے نکلتا ہوا شعلہ دیکھیں

جن کو منزل طلبی میں ہو تلاش رہبر

رہنمائی کو مرے نقش کف پا دیکھیں

پاؤں کی روندی ہوئی خاک ہے اپنے سر پر

ہم نے چاہا تھا کہ عالم تہہ و بالا دیکھیں

نرم اور گرم نگاہی پہ نہیں اپنی نظر

تیرے ہوتے ترا انداز نظر کیا دیکھیں

اپنا غم بھی غم دنیا کے برابر ہے عروجؔ

اپنا غم بھول سکیں تو غم دنیا دیکھیں

kash us but ko bhi ham waqf tamanna dekhen

barf ki sil se nikalta hua shola dekhen

jin ko manzil talbi mein ho talash-e-rahbar

rahnumai ko mire naqsh-e-kaf-e-pa dekhen

paon ki raundi hui khak hai apne sar par

ham ne chaha tha ke alam tah-o-bala dekhen

narm aur garm nigahi pe nahin apni nazar

tere hote tira andaz-e-nazar kya dekhen

apna gham bhi gham-e-duniya ke barabar hai uruj

apna gham bhul saken to gham-e-duniya dekhen