راستے لاکھ سہی کوئی بھی رہبر نہ لگے

راستے لاکھ سہی کوئی بھی رہبر نہ لگے

یہ بھی ممکن ہے کہ در وا ہو مگر در نہ لگے

اجنبی لوگ ہیں اس پار کی بستی میں مگر

مجھ کو اس پار بھی اپنا تو کوئی گھر نہ لگے

ایسے بچھڑا کہ زمانے سے وہ لوٹا ہی نہیں

ہے دعا ایسے پرندے کو کبھی پر نہ لگے

اب کہ ڈھونڈوں گی ٹھکانہ میں کوئی دشت کے پاس

یوں سر عام تماشے کا جہاں ڈر نہ لگے

عکس ہے عکس ارے اس کا تقاضا بھی سمجھ

آنکھ شیشے کا مقدر ہے تو پتھر نہ لگے

raste lakh sahi koi bhi rahbar na lage

ye bhi mumkin hai ke dar wa ho magar dar na lage

ajnabi log hain us par ki basti mein magar

mujh ko us par bhi apna to koi ghar na lage

aise bichhra ke zamane se wo lauta hi nahin

hai dua aise parinde ko kabhi par na lage

ab ke dhundungi thikana mein koi dasht ke pas

yun sar-e-am tamashe ka jahan dar na lage

aks hai aks are us ka taqaza bhi samajh

ankh shishe ka muqaddar hai to patthar na lage