ہوا نمناک ہوتی جا رہی ہے

ہوا نمناک ہوتی جا رہی ہے

حویلی خاک ہوتی جا رہی ہے

دریچہ کھولتے ہی تھم گئی ہے

ہوا چالاک ہوتی جا رہی ہے

ہمارے حوصلوں کے آگے مشکل

خس و خاشاک ہوتی جا رہی ہے

لہو کے ہاتھ دھوئے جا رہے ہیں

ندی ناپاک ہوتی جا رہی ہے

نئی تہذیب سے یہ نسل نو اب

بہت بیباک ہوتی جا رہی ہے

سمندر تھام لے موجوں کو اپنی

زمیں تیراک ہوتی جا رہی ہے

محبت نفرتوں کے بیچ پل کر

بڑی سفاک ہوتی جا رہی ہے

بہ فیض شاعری شہر ہنر میں

ہماری دھاک ہوتی جا رہی ہے

hawa namnak hoti ja rahi hai

haweli khak hoti ja rahi hai

daricha kholte hi tham gai hai

hawa chalak hoti ja rahi hai

hamare hauslon ke age mushkil

khas-o-khashak hoti ja rahi hai

lahu ke hath dhoe ja rahe hain

nadi napak hoti ja rahi hai

nai tahzib se ye nasl-e-nau ab

bahut bebak hoti ja rahi hai

samundar tham le maujon ko apni

zamin tairak hoti ja rahi hai

mohabbat nafraton ke bich pal kar

bari saffak hoti ja rahi hai

ba faiz-e-shayari shahr-e-hunar mein

hamari dhak hoti ja rahi hai