دل تعفن سے بھر گیا ہوگا

دل تعفن سے بھر گیا ہوگا

میں محبت کو گاڑ آئی تھی

چند رشتے وہیں پہ ڈوبے تھے

میرے گاؤں میں باڑھ آئی تھی

آج رسی خرید لائی ہوں

دھول پنکھے سے جھاڑ آئی تھی

یہ اداسی کہاں سے پھوٹ پڑی

میں تو جڑ سے اکھاڑ آئی تھی

تم مری زندگی سنوارو گے

جس کو میں خود بگاڑ آئی تھی

بس مجھے ایک گھر بسانا تھا

پوری بستی اجاڑ آئی تھی

dil taaffun se bhar gaya hoga

main mohabbat ko gar ai thi

chand rishte wahin pe dube the

mere gaon mein barh ai thi

aj rassi kharid lai hun

dhul pankhe se jhar ai thi

ye udasi kahan se phut pari

main to jur se ukhar ai thi

tum miri zindagi sanwaroge

jis ko main khud bigar ai thi

bas mujhe ek ghar basana tha

puri basti ujar ai thi