مقابلے کے نہ ہم دشمنی کے قابل ہیں

مقابلے کے نہ ہم دشمنی کے قابل ہیں

ذہین لوگ ہیں بس عاشقی کے قابل ہیں

جو اپنی مرضی کا سوچیں تم ان کو دفنا دو

کہ ایسی لڑکیاں کب رخصتی کے قابل ہیں

دکھی نہیں ہیں کہ ہم کیوں ہوئے نظر انداز

ہمیں پتا ہے کہ ہم بے رخی کے قابل ہیں

ہمیں ڈرایا گیا کب سکھایا ڈٹ جانا

ہم ایسے لوگ فقط عاجزی کے قابل ہیں

لڑائی ہم کو وراثت میں دی گئی ہے حضور

ہم اہل جنگ کہاں شاعری کے قابل ہیں

کسی وبا میں خدا ہم کو مبتلا کرے گا

ہم ایسے لوگ کہاں خود کشی کے قابل ہیں

muqable ke na ham dushmani ke qabil hain

zahin log hain bas ashiqi ke qabil hain

jo apni marzi ka sochen tum un ko dafna do

ke aisi larkiyan kab rukhsati ke qabil hain

dukhi nahin hain ke ham kyun hue nazar andaz

hamen pata hai ke ham be rukhi ke qabil hain

hamen daraya gaya kab sikhaya dat jana

ham aise log faqat ajizi ke qabil hain

larai ham ko wirasat mein di gai hai huzur

ham ahl jang kahan shayari ke qabil hain

kisi waba mein khuda ham ko mubtala karega

ham aise log kahan khud kashi ke qabil hain