بکھر گئی ہوں تو کیا آسمان میرا ہے

بکھر گئی ہوں تو کیا آسمان میرا ہے

زمیں پہ پاؤں نہیں خاکدان میرا ہے

اتر گیا ہے سراپا دکھوں کی دلدل میں

جو رہ گیا ہے ذرا سا نشان میرا ہے

مٹا گئی ہے زمانے کی دست برد اسے

جو سامنے ہے کھنڈر سا مکان میرا ہے

چھپا نہ پائے گا وہ جرم دل کا خوں کر کے

خلاف اس کے چلا جو بیان میرا ہے

بچائے گا تجھے رستے کی کلفتوں سے تمام

تمہارے ساتھ جو رہتا دھیان میرا ہے

زمانے بھر میں ہی تاریکیاں مگر دل میں

جلے ہیں داغ تو روشن جہان میرا ہے

bikhar gai hun to kya asman mera hai

zamin pe paon nahin khakdan mera hai

utar gaya hai sarapa dukhon ki daldal mein

jo rah gaya hai zara sa nishan mera hai

mita gai hai zamane ki dast bard use

jo samne hai khandar sa makan mera hai

chhupa na paega wo jurm dil ka khun kar ke

khilaf us ke chala jo bayan mera hai

bachaega tujhe raste ki kulfaton se tamam

tumhare sath jo rahta dhyan mera hai

zamane bhar mein hi tarikiyan magar dil mein

jale hain dagh to raushan jahan mera hai