امن و امان پیار کی سوغات چاہئے

امن و امان پیار کی سوغات چاہئے

خوابوں کو نیند نیند کو بھی رات چاہئے

وہ داؤ آزمانے کو تیار ہیں بہت

ان کو خبر نہیں کہ ہمیں مات چاہئے

شکوہ اگر نہ ہو تو کہاں ان سے بات ہو

تقریب کچھ تو بہر ملاقات چاہئے

آنکھوں میں رتجگا ہے اٹھانے کو کوئی خواب

تعبیر کو تو اشکوں کی برسات چاہئے

خوں رنگ ہوئے شام و سحر بے خبر رہے

معافی نہیں تلافئ مافات چاہئے

پتھر کا شہر ہے تو ہے مردہ دلی بھی عام

سانسوں کے زیر و بم کو نباتات چاہئے

دستار سے الجھ کے گریں خواہشیں تمام

دل کی خلش کو کنج مکافات چاہیے

amn-o-aman pyar ki saughat chahiye

khwabon ko nind nind ko bhi rat chahiye

wo dao azmane ko tayyar hain bahut

un ko khabar nahin ke hamen mat chahiye

shikwa agar na ho to kahan un se bat ho

taqrib kuchh to bahr-e-mulaqat chahiye

ankhon mein ratjaga hai uthane ko koi khwab

taabir ko to ashkon ki barsat chahiye

khun rang hue sham-o-sahar be khabar rahe

muafi nahin talafi-e-mafat chahiye

patthar ka shahr hai to hai murda dili bhi am

sanson ke zer-o-bam ko nabatat chahiye

dastar se ulajh ke giren khwahishen tamam

dil ki khalish ko kunj-e-mukafat chahiye