روز اک خواب مسلسل اور میں

روز اک خواب مسلسل اور میں

رات بھر یادوں کا جنگل اور میں

ہاتھ کوئی بھی سہارے کو نہیں

پاؤں کے نیچے ہے دلدل اور میں

سوچتا ہوں شب گزاروں اب کہاں

گھر کا دروازہ مقفل اور میں

ہر قدم تاریکیاں ہیں ہم رکاب

اب کوئی جگنو نہ مشعل اور میں

ہے ہر اک پل خوف رقصاں موت کا

چار سو ہے شور مقتل اور میں

شعر کہنا اب رئیسؔ آساں نہیں

سامنے اک چہرہ مہمل اور میں

roz ik khwab-e-musalsal aur main

rat bhar yadon ka jangal aur main

hath koi bhi sahare ko nahin

paon ke niche hai daldal aur main

sochta hun shab guzarun ab kahan

ghar ka darwaza muqaffal aur main

har qadam tarikiyan hain ham rikab

ab koi jugnu na mashal aur main

hai har ik pal khauf raqsan maut ka

char su hai shor-e-maqtal aur main

sher kahna ab rais asan nahin

samne ik chehra mohmal aur main