ہاتھ آگے کیا اور دست کرم تھام لیا

ہاتھ آگے کیا اور دست کرم تھام لیا

سر جھکا پائی تو پلکوں سے حرم تھام لیا

میں نے اس دنیا کے دستور سے باغی ہو کر

حق و انصاف و محبت کا علم تھام لیا

حق کو باطل سے ملاتے ہوئے دیکھا سب کو

کچھ نہ کچھ سچ کے بتانے کو قلم تھام لیا

ناتواں ظلم بڑھاتے ہیں یہ جانا جب سے

خود پہ اٹھتا ہوا ہر دست ستم تھام لیا

زندہ رہنے کی تمنا میں ہے مرنا مشکل

جانب دار و رسن بڑھتا قدم تھام لیا

hath age kiya aur dast-e-karam tham liya

sar jhuka pai to palkon se haram tham liya

main ne is duniya ke dastur se baghi ho kar

haq-o-insaf-o-mohabbat ka alam tham liya

haq ko batil se milate hue dekha sab ko

kuchh na kuchh sach ke batane ko qalam tham liya

natawan zulm barhate hain ye jana jab se

khud pe uthta hua har dast-e-sitam tham liya

zinda rahne ki tamanna mein hai marna mushkil

janib dar-o-rasan barhta qadam tham liya