تجھ سے جو کچھ تھا ذرا سا واسطہ وہ بھی گیا

تجھ سے جو کچھ تھا ذرا سا واسطہ وہ بھی گیا

نام ہی کو جو تھا قائم رابطہ وہ بھی گیا

سمت گم تھی راستے کی بے نشاں تھیں منزلیں

لمحہ لمحہ ساتھ تھا جو قافلہ وہ بھی گیا

آسماں کی وسعتوں میں دیپ تھے جلتے ہوئے

تھا تصور میں نیا اک راستہ وہ بھی گیا

دوستوں میں دشمنوں کو دیکھ کر حیراں ہوں میں

آگے بڑھ جانے کا تھا جو ولولہ وہ بھی گیا

وصل کا بھی راز رستوں کے کٹھن ہونے میں ہے

شاید اب دشوار تھا جو فاصلہ وہ بھی گیا

سوچ کی الجھن سلجھتی جا رہی ہے دم بہ دم

گم شدہ منزل کا تھا جو وسوسہ وہ بھی گیا

اس قدر نزدیک پایا دل نے جب اپنا حبیب

اب تلک قائم رہا جو حوصلہ وہ بھی گیا

tujh se jo kuchh tha zara sa wasta wo bhi gaya

nam hi ko jo tha qaim rabta wo bhi gaya

samt gum thi raste ki be nishan thin manzilen

lamha lamha sath tha jo qafila wo bhi gaya

asman ki wusaton mein dip the jalte hue

tha tasawwur mein naya ik rasta wo bhi gaya

doston mein dushmanon ko dekh kar hairan hun main

age barh jane ka tha jo walwala wo bhi gaya

wasl ka bhi raz raston ke kathin hone mein hai

shayad ab dushwar tha jo fasla wo bhi gaya

soch ki uljhan sulajhti ja rahi hai dam ba dam

gum shuda manzil ka tha jo waswasa wo bhi gaya

is qadar nazdik paya dil ne jab apna habib

ab talak qaim raha jo hausla wo bhi gaya