میں سر دار مسکراتی رہی

میں سر دار مسکراتی رہی

زندگانی سزا بڑھاتی رہی

صبر کو میرے بے حسی جانا

حوصلے اور آزماتی رہی

آبلہ پائی سے ہوا سیراب

پھول صحرا میں میں کھلاتی رہی

دل کی تیرہ شبی مٹانے کو

زخم سینے کے میں جلاتی رہی

خود کا شاید کبھی گزر ہو یہاں

خار رستے سے میں ہٹاتی رہی

میں جو تنہائیوں سے ڈرتی تھی

اک بیاباں میں گھر بناتی رہی

main sar-e-dar muskurati rahi

zindagani saza barhati rahi

sabr ko mere be hissi jana

hausle aur azmati rahi

abla pai se hua sairab

phul sahra mein main khilati rahi

dil ki tira shabi mitane ko

zakhm sine ke main jalati rahi

khud ka shayad kabhi guzar ho yahan

khar raste se main hatati rahi

main jo tanhaiyon se darti thi

ik bayaban mein ghar banati rahi