حقیقتوں سے نظر چرا کے خیال خوابوں میں زندہ رہنا

حقیقتوں سے نظر چرا کے خیال خوابوں میں زندہ رہنا

زوال کی داستان بن کر فقط کتابوں میں زندہ رہنا

خود اپنے ہاتھوں سے گھر جلا کے فضائیں مسموم کر کے ساری

جھلستے دن اور تڑپتی راتوں کے پھر عذابوں میں زندہ رہنا

ہوں بادہ و جام سامنے گر نہیں سلامت جو دست و بازو

تو پھر ہے تقدیر تشنگی کے انہی سرابوں میں زندہ رہنا

گرے ہیں کٹ کے وہ پر تھی جن کی اڑان اپنی فضا سے آگے

اتر کے ان کو بلندیوں سے پڑا خرابوں میں زندہ رہنا

جو اپنی مرضی کی جمع تفریق کر کے دل کو لبھا رہے ہیں

نہیں خبر کہ پڑے گا کیسے کڑے حسابوں میں زندہ رہنا

haqiqaton se nazar chura ke khayal khwabon mein zinda rahna

zawal ki dastan ban kar faqat kitabon mein zinda rahna

khud apne hathon se ghar jala ke fazaen masmum kar ke sari

jhulaste din aur tarapti raton ke phir azabon mein zinda rahna

hun bada-o-jam samne gar nahin salamat jo dast-o-bazu

to phir hai taqdir tishnagi ke unhi sarabon mein zinda rahna

gire hain kat ke wo par thi jin ki uran apni faza se age

utar ke un ko bulandiyon se para kharabon mein zinda rahna

jo apni marzi ki jama tafriq kar ke dil ko lubha rahe hain

nahin khabar ke parega kaise kare hisabon mein zinda rahna