نظر کے سامنے حسن بہار رہنے دے
Vazahat Nseem (b. 1956)نظر کے سامنے حسن بہار رہنے دے
جمال دید کو پرور دگار رہنے دے
سوال شوق کا کوئی جواب ہو کہ نہ ہو
ہمارے دل میں امیدیں ہزار رہنے دے
نہ دیکھ حد نظر دور تک سمندر ہے
رفاقتیں ابھی ساحل کے پار رہنے دے
کرم شعار نہ تھے معتبر نہیں ٹھہرے
سو آج ہم کو ذرا دل فگار رہنے دے
یہ چاند روز نئے خواب کیوں دکھانے لگا
بس ایک خواب نگاہوں پہ بار رہنے دے
جو سوزش لب جاں مستقل نواگر ہو
تو پھر کہاں کوئی غم مستعار رہنے دے
نسیمؔ اب تو یہ ماحول راس آیا ہے
خدا کرے تو اسے سازگار رہنے دے
nazar ke samne husn-e-bahar rahne de
jamal-e-did ko parwar digar rahne de
sawal-e-shauq ka koi jawab ho ke na ho
hamare dil mein ummiden hazar rahne de
na dekh had-e-nazar dur tak samundar hai
rifaqaten abhi sahil ke par rahne de
karam shiar na the motabar nahin thahre
so aj ham ko zara dil figar rahne de
ye chand roz nae khwab kyun dikhane laga
bas ek khwab nigahon pe bar rahne de
jo sozish-e-lab jan mustaqil nawagar ho
to phir kahan koi gham mustaar rahne de
nasim ab to ye mahaul ras aya hai
khuda kare to use sazgar rahne de