سفر یہ میرا عجب امتحان چاہتا ہے

سفر یہ میرا عجب امتحان چاہتا ہے

بلا کے حبس میں بھی بادبان چاہتا ہے

وہ میرا دل نہیں میری زبان چاہتا ہے

مرا عدو ہے مجھی سے امان چاہتا ہے

ہزار اس کو وہی راستے بلاتے ہیں

قدم قدم وہ نیا آسمان چاہتا ہے

عجیب بات ہے مجھ سے مرا ہی آئینہ

مری شناخت کا کوئی نشان چاہتا ہے

میں خوش ہوں آج کہ میری انا کا سورج بھی

مرے ہی جسم کا اب سائبان چاہتا ہے

میں اس کی بات کی تردید کر تو دوں لیکن

مگر وہ شخص تو مجھ سے زبان چاہتا ہے

safar ye mera ajab imtihan chahta hai

bala ke habs mein bhi badban chahta hai

wo mera dil nahin meri zaban chahta hai

mira adu hai mujhi se aman chahta hai

hazar us ko wahi raste bulate hain

qadam qadam wo naya asman chahta hai

ajib bat hai mujh se mira hi aina

miri shanakht ka koi nishan chahta hai

main khush hun aj ke meri ana ka suraj bhi

mire hi jism ka ab saiban chahta hai

main us ki bat ki tardid kar to dun lekin

magar wo shakhs to mujh se zaban chahta hai