کہاں ہوا کے مخالف ہیں بادبان کہو

کہاں ہوا کے مخالف ہیں بادبان کہو

کہیں ملے ہیں محبت کو سائبان کہو

نہ گل کہو نہ ستارہ کہو نہ جان کہو

میں ایک لمحہ ہوں مجھ کو فقط گمان کہو

جو صورتیں نظر آتی ہیں خواب ہستی میں

وہ اصل میں کبھی ہوتی ہیں مہربان کہو

میں منفرد تو نہیں ہوں مگر تمہارا غم

پلک تک آنے نہ دوں مجھ کو راز داں کہو

وہ ایک شخص کہ جو حاصل محبت ہے

اسی کو وقت سخن حاصل بیان کہو

جو لوح دل پہ ہیں محفوظ چند تحریریں

انہی حروف میں الفت کی داستان کہو

ہزار طرح تو ہم لوگ آزمائے گئے

اب اور کون سا رہتا ہے امتحان کہو

سواد شام میں شاعر مزاج لوگ اگر

فسردہ دل نظر آئیں تو شادمان کہو

نسیمؔ صبح طرب جب چمن میں تم آؤ

گلوں کی تازہ مہک کو خدا کی شان کہو

kahan hawa ke mukhalif hain badban kaho

kahin mile hain mohabbat ko saiban kaho

na gul kaho na sitara kaho na jan kaho

main ek lamha hun mujh ko faqat guman kaho

jo suraten nazar ati hain khwab-e-hasti mein

wo asl mein kabhi hoti hain mehrban kaho

main munfarid to nahin hun magar tumhara gham

palak tak ane na dun mujh ko raz dan kaho

wo ek shakhs ke jo hasil-e-mohabbat hai

usi ko waqt-e-sukhan hasil-e-bayan kaho

jo lauh-e-dil pe hain mahfuz chand tahriren

unhi huruf mein ulfat ki dastan kaho

hazar tarah to ham log azmae gae

ab aur kaun sa rahta hai imtihan kaho

sawad-e-sham mein shayar mizaj log agar

fasurda dil nazar aen to shadman kaho

nasim-e-subh-e-tarab jab chaman mein tum ao

gulon ki taza mahak ko khuda ki shan kaho