تشویش نہ کیجے یہ نظریات تو ہوں گے

تشویش نہ کیجے یہ نظریات تو ہوں گے

خدشات کا موسم ہے سوالات تو ہوں گے

ہر قلب و نگہ میں یہ تضادات تو ہوں گے

دنیائے عجائب میں کمالات تو ہوں گے

اب ہنس کے دکھاؤ تو بڑا ظرف تمہارا

اپنوں سے لگی چوٹ تو صدمات تو ہوں گے

تردید و تردد کے وسائل نکل آئے

تم مل نہیں سکتے تو یہ جذبات تو ہوں گے

دیرینہ روایات پہ دے کون توجہ

یہ دور نیا ہے نئے حالات تو ہوں گے

یوں ہی نہیں ہوتا ہے پریشان مصورؔ

کچھ عیب و ہنر زیر سماوات تو ہوں گے

tashwish na kije ye nazariyyat to honge

khadshat ka mausam hai sawalat to honge

har qalb-o-nigah mein ye tazadat to honge

duniya-e-ajaib mein kamalat to honge

ab hans ke dikhao to bara zarf tumhara

apnon se lagi chot to sadmat to honge

tardid-o-taraddud ke wasail nikal ae

tum mil nahin sakte to ye jazbat to honge

derina riwayat pe de kaun tawajjoh

ye daur naya hai nae halat to honge

yun hi nahin hota hai pareshan musawwir

kuchh aib-o-hunar zer-e-samawat to honge