پرکھ سکو تو محبت کا اک مزاج ہیں ہم

پرکھ سکو تو محبت کا اک مزاج ہیں ہم

کل اس طرح نہیں مل پائیں گے جو آج ہیں ہم

کوئی خطائے محبت ازل میں کر لی تھی

زبان شعر میں بھیجا ہوا خراج ہیں ہم

اس اک ہنر سے خدا سب کو فیضیاب کرے

کہ اب بھی جس کے لئے وقف احتیاج ہیں ہم

سنا ہے گھاؤ ملے ہیں تجھے بہت گہرے

تو ہم سے مل کہ ترے گھاؤ کا علاج ہیں ہم

کسی کی یاد میں عمر اپنی ہو رہی ہے بسر

کسی کے عہد وفا کی نسیمؔ لاج ہیں ہم

parakh sako to mohabbat ka ik mizaj hain ham

kal is tarah nahin mil paenge jo aj hain ham

koi khata-e-mohabbat azal mein kar li thi

zaban-e-sher mein bheja hua khiraj hain ham

is ik hunar se khuda sab ko faizyab kare

ke ab bhi jis ke liye waqf-e-ehtiyaj hain ham

suna hai ghao mile hain tujhe bahut gahre

to ham se mil ke tire ghao ka ilaj hain ham

kisi ki yad mein umr apni ho rahi hai basar

kisi ke ahd-e-wafa ki nasim laj hain ham