کوئی ثبوت نہ ہوگا تمہارے ہونے کا

کوئی ثبوت نہ ہوگا تمہارے ہونے کا

نہ آیا فن جو قلم خون میں ڈبونے کا

ہر ایک بات پہ بس قہقہے برستے ہیں

یہ طرز کتنا نرالا ہے دل کے رونے کا

شروع تم نے کیا تھا تمہیں بھگتنا ہے

جو سلسلہ تھا غلط فہمیوں کو بونے کا

شناخت ہو تو گئی اپنے اور پرائے کی

نہیں ہے غم مجھے عمر عزیز کھونے کا

رئیسؔ فکر سخن رات بھر جگاتی ہے

کوئی بھی وقت مقرر نہیں ہے سونے کا

koi subut na hoga tumhare hone ka

na aya fan jo qalam khun mein dubone ka

har ek bat pe bas qahqahe baraste hain

ye tarz kitna nirala hai dil ke rone ka

shuru tum ne kiya tha tumhen bhugatna hai

jo silsila tha ghalat fahmiyon ko bone ka

shanakht ho to gai apne aur parae ki

nahin hai gham mujhe umr-e-aziz khone ka

rais-e-fikr-e-sukhan rat bhar jagati hai

koi bhi waqt muqarrar nahin hai sone ka