گزشتہ وقت کی ہر بات آنی جانی ہوئی

گزشتہ وقت کی ہر بات آنی جانی ہوئی

یہ بات اگلے سفر کی نئی نشانی ہوئی

لگا کے بیٹھ گئے شرط دست و بازو کی

اگرچہ دل میں ہے پہلے سے ہار مانی ہوئی

جدا کیا ہے اسے آپ ہی تو چپ کیوں ہو

بھلا یہ کون سے جذبے کی ترجمانی ہوئی

اسے پھر اور کسی شعر میں کہا نہ گیا

جو بات آپ سے پچھلے دنوں زبانی ہوئی

سنائے جائیں اگر کوئی سننے والا ہو

کسی کی یاد ہمارے لیے کہانی ہوئی

بدل گیا ہے چلن شہر آرزو کا نسیمؔ

اس عہد نو میں تمہاری وفا پرانی ہوئی

guzishta waqt ki har bat ani jani hui

ye bat agle safar ki nai nishani hui

laga ke baith gae shart dast-o-bazu ki

agarche dil mein hai pahle se har mani hui

juda kya hai use ap hi to chup kyun ho

bhala ye kaun se jazbe ki tarjumani hui

use phir aur kisi sher mein kaha na gaya

jo bat ap se pichhle dinon zabani hui

sunae jaen agar koi sunne wala ho

kisi ki yad hamare liye kahani hui

badal gaya hai chalan shahr-e-arzu ka nasim

is ahd-e-nau mein tumhari wafa purani hui