آپ دانستہ جو کترا کے گزر جاتے ہیں

آپ دانستہ جو کترا کے گزر جاتے ہیں

میرے احساس میں سو درد اتر جاتے ہیں

پاس آ کر بھی اگر پاس نہ آئے کوئی

ہم شب وصل کی تنہائی میں مر جاتے ہیں

کیا عجب دور پر آشوب ہے جس میں اے دوست

لوگ دستار بچاتے ہیں تو سر جاتے ہیں

جب پسینے کا خریدار نہ ہو تب مزدور

شام کو نظریں جھکائے ہوئے گھر جاتے ہیں

زخمی لفظوں پہ بھی ہنس ہنس کے اگر داد ملے

ہم سے شاعر تو اسی وقت ہی مر جاتے ہیں

اپنے محبوب سے ملنے کے لئے روز سبینؔ

تم کو معلوم ہے ہم چاند نگر جاتے ہیں

ap danista jo katra ke guzar jate hain

mere ehsas mein so dard utar jate hain

pas a kar bhi agar pas na ae koi

ham shab-e-wasl ki tanhai mein mar jate hain

kya ajab dur pur ashob hai jis mein ai dost

log dastar bachate hain to sar jate hain

jab pasine ka kharidar na ho tab mazdur

sham ko nazren jhukae hue ghar jate hain

zakhmi lafzon pe bhi hans hans ke agar dad mile

ham se shayar to isi waqt hi mar jate hain

apne mahbub se milne ke liye roz sabyun

tum ko maalum hai ham chand nagar jate hain